BP کارمەندەکانی لە کێڵگە نەوتییەکانی باشووری عێراق دەکشێنێتەوە

ئاڤا نیوز

کۆمپانیای BP کارمەندە بیانییەکانی لە کێڵگەی نەوتی ڕومەیلە دەکشێنێتەوە و  سەرچاوەیەک لەنەوتی باشووریش دەڵێت" کشانەوەی ئەو کارمەندانە کاریگەری لەسەر بەرهەمهێنانی نەوت لە کێڵگەکە نابێت" .

وێنە گەورەکە: بەرەبەیانیی ڕۆژی یەکشەممە، ئەمریکا هێرشێکی ئاسمانی فراوانی کردە سەر دامەزراوەی ئەتۆمیی فۆردو، ئەسفەهان و نەتەنز لەئێران، ئەمەش کاردانەوەی وڵاتانی ناوچەیی و نێودەوڵەتیی و هەڕەشەی گرووپە چەکدارەکانی لێکەوتەوە.

ڕاگەیێنراوی فەرمی: سەرچاوەیەک لە کۆمپانیای BP ڕایگەیاند: بەهۆی هەڕەشەکانی ئێران و ڕووداوەکانی ناوچەکە کۆمپانیای BP سەرجەم کارمەندە بیانییەکانی لە کێڵگەکانی باکوور و باشووری ڕومەیلە کشاندەوە بۆ شوێنێکی نادیار.  

زانیاریی زیاتر: سەرچاوەکە لەزاری کۆمپانیای BPـیەوە ئاماژەی بەوەشدا، ئەو کارمەندانە ئێستا لە دوورەوە بەشێوەی ئۆنلاین کاردەکەن و کێڵگەکان بەڕێوەدەبەن.