ئێران سەختترین شەوی لەژێر هێرشەکانی ئیسرائیل بەڕێکرد

ئاڤا نیوز

بە گوێرەی میدیاکانی ئێران شەوی ڕابردوو ئیسرائیل هێرشێکی فراوان و چڕی کردووەتە  سەر ئێران و چەندین شار و ناوچەی بۆردوومان کردووە. تەنیا لە 15 خولەکدا 30 هێرشی گەورە کراوەتە سەر تارانی پایتەخت.

چیرۆکی سەرەکی: بەرەبەیانی ڕۆژی هەینی 13-6-2025، ئیسرائیل هێرشی بۆ سەر ئێران دەستپێکرد و چەندین بنکەی ئەتۆمی و پێگە و ناوچەی ستراتیژی بۆردوومان کرد، هەروەها چەندین زانای ئەتۆمیی ئێرانی کوشت. ئەگەرچی شەوی ڕابردوو دۆناڵد ترەمپی سەرۆکی ئەمریکا ئاگربەستی نێوان ئیسرائیل و ئێرانی ڕاگەیاند، بەڵام هەردوولا تا بەیانی لە هێرشکردنە سەر یەکتر بەردەوام بوون.

 

لێدوانی فەرمی: میدیا ئێرانییەکان بڵاویانکردەوە، شەوی رابردوو 30 هێرشی گەورە لەماوەی 15 خوولەکدا لەلایەن ئیسرائیلەوە کراونەتە سەر تارانی پایتەختی ئێران.

 

لەلایەکی دیکەوە: هەر ئەمشەو ئیسرائیل زانایەکی دیکەی ئەتۆمیی ئێرانی کوشت.

 

ئەوەی پێویستە بیزانیت: بەگوێرەی میدیاکانی ئێران، شەوی دووشەممە، 23-6-2025 لەماوەی 12ڕۆژی شەڕی ئێران و ئیسرائیل "بێوێنە" بووە و پێشینەی نەبووە.

 

• ئەو شوێنانەی ئیسرائیل بۆردوومانی کردوون ئەمانەن: تاران، ڕەشت، تەبرێز، بەندەر عەباس، گەیلان، ورمێ، لاهیجان.

 

• ئەم بۆردوومانانە لەکاتێکدان، دۆناڵد ترەمپ، بەرەبەیانیی ئەمڕۆ (بەکاتی هەولێر) رایگەیاند ئیسرائیل و ئێران گەیشتوونەتە ئاگربەست.