ئیسرائیل: گورزێکی کاریگەرمان لە بەرنامە ئەتۆمییەکانی ئێران داوە

ئاڤا نیوز

شەڕی نێوان ئێران و ئیسرائیل بە ڕاگەیاندنی ئاگربەست لەلایەن ترەمپەوە کۆتاییهات، بەڵام سوپای ئیسرائیل ئاشكرای دەکات لەماوەی شەڕەکەدا گورزی کاریگەریان لە بەرنامە ئەتۆمییەکانی ئەو ولاتە داوە.  

 

چیڕۆکی سەرەکی: جەنگی نێوان ئێران و ئیسرائیل 12 ڕۆژی خایەند، دواجار دۆناڵد ترەمپ، سەرۆکی ئەمریکا ئاشکرای کرد هەردوو وڵات رازیبوون بە ئاگربەست، ڕۆژی سێشەممەش کەوتە بواری جێبەجێکردنەوە.

 

ڕاگەیێنراوی فەرمی: ئێڤی دێڤرین، وتەبێژی سوپای ئیسرائیل ئەمڕۆ چوارشەممە ڕایگەیاند، گورزی زۆرمان بە بەرنامەی ئەتۆمی ئێران گەیاندووە، بەڵام هێشتا زووە بۆ هەڵسەنگاندنی زیانەکانی کە بەر ئەو پێگانە کەوتوون.

 

هۆکارە زانراوەکان: ئیسرائیل وەک خۆی دەڵێت: ئامانجی هێرشەکانی ئەوەبوو کە ڕێگریی لە هەڕەشە ئەتۆمییەکانی ئێران بکات و بەرنامە ئەتۆمییەکەی لەناو ببات، بەهۆیەوە لە میانەی هێرشەکانیدا چەندین دامەزراوە و پێگەی سەربازی سوپای پاسدارانی ئێران بە ئامانج گرت، توانی بەهۆیەوە 30 فەرماندەی باڵا و 18 زانای بواری ئەتۆمی لەلایەن ئیسرائیلەوە کوژراون.