قەرارگەی خاتەمولئەنبیا کوژرانی فەرماندەی باڵای ڕاگەیاند

ئاڤا نیوز

عەلی شادومانی، یەکێک لە فەرماندە باڵاکانی قەرارگەی خاتەمولئەنبیا کە هەفتەی ڕابردوو بە هۆی هێرشەکانی ئیسرائیل بەسەختی بریندار بوو بوو، گیانی لەدەستدا.

وێنە گەورەکە: لە ئەنجامی جەنگی 12 ڕۆژەی نێوان ئیسرائیل و ئێران، دەیان فەرماندەی سەربازی ئێران بەهۆی بۆردوومانەکانی ئیسرائیلەوە کوژران. یەکێک لەوان فەرماندەی باڵای قەرارگەی خاتەمولئەنبیا بوو.

ڕاگەیێنراوی فەرمی: لە ڕاگەیێنراوێکدا قەرارگەی خاتەمولئەنیا ڕایگەیاند: عەلی شادومانی، یەکێک لە فەرماندە باڵاکانی قەرارگەکەمان بەهۆی سەختی برینەکەیەوە گیانی لەدەستدا، ڕۆژی شەممە لەگەڵ چەندین کوژراوی دیکەی هێرشەکانی ئیسرائیل بۆ سەر ئێران لە تاران بە خاک دەسپێردرێت.

زانیاریی زیاتر: عەلی شادومانی، فەرماندەی سوپای پاسداران بوو لە 13ـی حوزەیرانی 2025ـەوە وەک فەرماندەی قەرارگەی ناوەندی خاتەمولئەنبیا کاری کرد، لە دوای کوژرانی غوڵام عەلی ڕەشید لەلایەن ئیسرائیلەوە.

لەلایەکی دیکەوە: سوپای پاسداران ڕایگەیاند، "لە هێرشەکانی ئیسرائیل، 35 فەرماندە و ئەندامی هێزی بەرگریی ئاسمانیی سوپای پاسداران کوژراون".