پارتێکی ئۆپۆزیسیۆنی هۆنگ کۆنگ هەڵوەشانەوەی خۆی ڕاگەیاند

ئاڤا نیوز

کۆمەڵەی سۆشیاڵ دیموکراتەکانی هۆنگ کۆنگ، کە پارتێکی ئۆپۆزیسیۆنی سەرەکیی و لایەنگری دیموکراسییە، هەڵوەشانەوەی خۆی ڕاگەیاند.


ڕاگەیێنراوی فەرمی: لە ڕاگەیێنراوێکی کۆمەڵەکەدا هاتووە "ساڵی داهاتوو بیستەمین ساڵڕۆژی کۆمەڵەی سۆشیاڵ دیموکراتە. بەڵام پارتەکەمان نامێنێتەوە تا ئەو ڕۆژە ببینێت و هەڵوەشاندنەوەی خۆمان ڕادەگەیێنین".

زانیاریی زیاتر: کۆمەڵەکە ساڵی 2006 دامەزراوە، بەڵام پێنج ساڵە لەلایەن چینەوە سەرکوت کراوە، ئەمەش بە هۆی جێبەجێکردنی یاسای ئاسایشی نیشتیمانیی چین لە هۆنگ کۆنگ.

چین و هۆنگ کۆنگ دەڵێن، یاساکە پێویست بوو بۆ کۆنتڕۆڵکردنی ئاژاوە سیاسییەکان، بەڵام ڕەخنەگران دەڵێن ناڕەزایەتی کپ کردەوە و مافەکانی سنووردار کردووە.

ئەمەش بزانە: بڕیارە ڕۆژی یەکشەممەی داهاتوو کۆمەڵەکە وردەکاریی زیاتر سەبارەت بە هەڵوەشانەوەی خۆی ڕابگەیێنێت.