ئێران یاسایی هەماهەنگی لەگەڵ ئاژانسی نێودەوڵەتی وزەی ئەتۆمی هەڵپەسارد

ئاڤا نیوز

میدیا ئێرانییەکان بڵاویانکردەوە، سەرۆککۆماری ئێران یاسای هاوکاری لەگەڵ ئاژانسی نێودەوڵەتی وزەی ئەتۆمی هەڵپەسارد.

زانیاریی بەدەستهاتوو: ڕۆژی چوارشەممە 2-7- 2025، میدیا ئێرانییەکان بڵاویانکردەوە، مەسعوود پزیشکیان، سەرۆککۆماری ئێران یاسای هەڵپەساردنی هەماهەنگی لەگەڵ ئاژانسی نێودەوڵەتی وزەی ئەتۆمی پەسەند کرد.

لێدوانی فەرمی: محەممەد باقر قالیباف، سەرۆکی ئەنجوومەنی شورای ئێران ڕایگەیاند: ئاژانسی نێودەوڵەتیی تەنانەت ئیدانەی هێرشەکانی ئەمریکا و ئیسرائیلی نەکردووە و متمانەی خۆی لە دەستداوە، بۆیە ئەو هەماهەنگییە لەگەڵ ئەم ئاژانسە ڕادەگرین تا ئەو کاتەی ئاسایشی دامەزراوە ئەتۆمیەکانمان گەرەنتی دەکرێن.

ئەوەی پێویستە بیزانیت: ئەمە لە کاتێکدایە، لە دوای هێرشەکانی ئیسرائیل و ئەمریکا بۆ سەر دامەزراوە ئەتۆمییەکانی ئەو وڵاتە، پەرلەمانی ئێران هەڵپەساردنی ئەو یاسایەی بە کۆی دەنگی پەرلەمانتاران پەسەند کرد.

زانیاریی زیاتر: ئاژانسی نێودەوڵەتی وزەی ئەتۆم، ئاژانسێکە بۆ چاودێریکردنی بەرنامە ئەتۆمییەکانە لە سەرانسەری جیهان و دڵنیابوونە لەوەی وڵاتان بەرنامە ئەتۆمییەکانیان تەنیا بۆ مەبەستی ئاشتییانە بەکار دەهێنێت.