هاکان فیدان: پێویستە دەستبەجێ هاوکارییە مرۆییەکان بگەیێنرێتە خەڵکی غەززە

ئاڤا نیوز

وەزیری دەرەوەی تورکیا لەگەڵ سەرۆکی ئەنجوومەنی شورای بزووتنەوەی حەماس و شاندی یاوەری کۆبووەوە و ڕایگەیاند، پێویستە دەستبەجێ هاوکارییە مرۆییەکان بگەیێنرێتە خەڵکی غەززە.

بڵاوکراوەی فەرمی: کەناڵی فەرمی دەوڵەتی تورکیا بە پشت بەستن بە سەرچاوەکانی وەزارەتی دەرەوەی تورکیا بڵاوی کردەوە، هاکان فیدان، وەزیری دەرەوەی تورکیا لەگەڵ محەممەد دەروێش، سەرۆکی ئەنجوومەنی شورای بزووتنەوەی حەماس و شاندی یاوەری کۆبوونەوەیەکی داخراویان کردوو.

لە کۆبوونەوەکەدا، هاکان فیدان بە شاندەکەی ڕاگەیاندووە، تورکیا کاری سەرەکی پشتیوانیکردن لە مافەکانی خەڵکی غەززە دەبێت، پێویستە دەستبەجێ هاوکارییە مرۆییەکان بگەیێنرێتە خەڵکی غەززە، هەروەها تورکیا ڕێگە نادات کۆمەڵکوژییەکانی غەززە لە بیربکرێت.

ئەوەی پێویستە بیزانیت: ئەمە لە کاتێکدایە کە دۆناڵد ترەمپ، سەرۆکی ئەمریکا ڕایگەیاندووە، ئیسرائیل بە ئاگربەستی غەززە  بۆ ماوەی 60 ڕۆژ ڕازی بووە. هەفتەی داهاتوو ڕێککەوتنی ئاگربەستی غەززە دەکرێت.