بەغدا خۆی بۆ خولێکی نوێی سینەما ئامادە دەکات

ئاڤا نیوز

بڕیارە دووەم خوولی فێستیڤاڵی سینەمایی بەغدا، بە پرۆگرامێکی هونەری و ڕۆشنبیریی هەمەچەشنەوە لەناوەڕاستی مانگی ئەیلوولی داهاتوو بەڕێوە بچێت.

 

بۆچی گرنگە: فێستیڤاڵی فیلمی بەغدا کۆبوونەوەیەکی جەماوەرییە بۆ دەوڵەمەندکردنی کولتووری سینەمایی لەڕێگەی هاندانی بینەر و پاڵپشتیکردنی سینەماکاران و پەرەپێدان و چالاککردنی پیشەسازیی فیلم لە عێراق. 

 

لێدوانی فەرمی: حیکمەت بەیزانی، بەڕێوەبەری فێستیڤاڵەکە، ڕایگەیاند: بڕیارە کارەکانی دووەم خولی فێستیڤاڵەکە لە 15 تاوەکو 25-9-2025 لەبەغدای پایتەخت بە بەشداریی دەیان فیلمی سینمایی عێراقی و عەرەبی لە ئاستی باڵا بەڕێوە بچێت.

 

زانیاریی زیاتر:  بەیزانی ئاماژەی بەوەشدا. لیژنەی هەڵبژاردنی فیلم، میوانانی فێستیڤاڵ  و دادوەران هێشتا لە قۆناغی پێکهێنانن، لەکاتێکدا بڕیاردراوە کە تونس ببێتە میوانی شەرەفی ئەم خوولەی ڤیستیڤاڵەکە.

 

ئەمەش بزانە:  نمایشەکان بۆ هەمووان بەشێوەیەکی خۆڕایی دەبێت، لەگەڵ تەرخانکردنی بلیتی تایبەت بۆ هونەرمەندانی عێراقی و عەرەبی و ناوچەکە.