گیانلەدەستدان بەهۆی لافاوەکەی تێکساس بۆ 82 کەس بەرزبووەوە

ئاڤا نیوز

ماوەی چەند ڕۆژێکە لافاوێکی وێرانکەر ویلایەتی تێکساسی ئەمریکای گرتووەتەوە و تا دێت ژمارەی گیانلەدەستدان بەهۆیەوە بەرزتر دەبێتەوە.

چیرۆکی سەرەکی: لە ڕۆژی هەینییەوە لافاوێکی بەهێز لە ویلایەتی تەکساسی ئەمریکا دەستیپێکردووە ئەمەش دوای باران بارینێکی بەخوڕ و بەرزبوونەوەی ئاستی ئاوی رووباری گوادالوپێ لە ماوەی تەنیا 45 خولەکدا نزیکەی هەشت مەتر بەرزبووەوە.

لێدوانی فەرمی: گرێگ ئابۆت، حاکمی ویلایەتی تێکساس رایگەیاند: لە کاتی لافاوەکەدا لە ناوچەی کامپ میستیکی کەناری رووباری گوادالوپێ نزیکەی 750 کچی لێبووە، لەو ژمارەیە 41 کەس بێسەروشوێنن. 

ئەوەی پێویستە بیزانیت: تیمەکانی ڕزگارکردن لە تێکساس بەردەوامن لە گەڕان بەدوای دۆزینەوەی دەیان کەسی بێسەروشوێنبوو، لەنێویاندا 27 کچ کە بەهۆی لافاوەکە بێسەروشوێنبوون و  ژمارەی گیانلەدەستدانیش بۆ 82 کەس بەرزبووەوە و هۆشداری لە لافاوی دیکەش دەدرێت.