سەرۆکی هەنگاریا بۆ سەرۆکوەزیران بارزانی: هاوخەم و پشتیوانتانین

ئاڤا دیجیتاڵ

 

سەرۆکوەزیران بارزانی لەگەڵ سه‌رۆكى هه‌نگاريا کۆبووەوە و کاتالین نۆڤاک، پرسە و سەرەخۆشی و هاوخەمی خۆی بۆ قوربانییانی خەڵکی مەدەنی لە هێرشەکەی سەر هەولێر دەربڕی و پشتیوانیی وڵاتەکەی بۆ هەرێمی کوردستان دووپات کردەوە. 

 

چیرۆكیە سەرەكیەكە: ئەمڕۆ چوارشەممە، سەرۆكوەزیران بارزانی لە داڤۆس، لەگەڵ كاتالین نۆڤاك سەرۆكی هەنگاریا كۆبووەوە، دوایین پێشهات و گۆڕانكارییەكانی عێراق و ناوچەكە و پەرەپێدانی پەیوەندیی دوولایەنەیان تاوتوێ كرد.

لە لایەكی دیكەوە: سەرۆكی هەنگاریا، پرسە و سەرەخۆشی و هاوخەمی خۆی بۆ قوربانیانی خەڵكی مەدەنی  لە هێرشەكەی سەر هەولێر دەربڕی و پشتیوانیی وڵاتەكەی بۆ هەرێمی كوردستان دووپات كردەوە.

زانیاری زیاتر: سەرۆكوەزیران بارزانی سوپاسیی هاوخەمی و پشتیوانیی سەرۆكی هەنگاریای كرد و جەختی لەوەكردەوە كە هەرێمی كوردستان وەك هەمیشە فاكتەرێكی ئاسایش و سەقامگیریی  عێراق و ناوچەكە دەبێت.

باكگراوند:كۆڕبەندی داڤۆس، ساڵی 1971 بە دەستپێشخەریی كلاوس شواب ئابووریناسی گەورەی ئەڵمانی دامەزراوە، ئامانجی دروستكردنی كەشێكی فراوانی گفتوگۆی ئابووری بووە لەسەر ئاستی سەركردە سیاسی و بارزرگانی و ئەكادیمییە باڵاكان لە وڵاتە گەورەكانی ئەوروپا. دواتر بازنەی كۆڕبەندەكە فراوان بووە و هەموو دنیای گرتووەتەوە.