ئەڵمانیا ژمارەیەک کۆچبەر بۆ ئەفغانستان دەنێرێتەوە

ئاڤا نیوز

ئەڵمانیا ژمارەیەک کۆچبەری ئەفغانی بۆ وڵاتەکەیان دەنێرێتەوە و ئەمەش دووەم کاروانی ناردنەوەی کۆچبەرانە لەوەتەی تاڵیبان لە ساڵی 2021ـەوە دەسەڵاتی ئەو وڵاتە گرتووەتەوە دەست.

لێدوانی فەرمی: وەزارەتی ناوخۆی ئەڵمانیا رایگەیاند: 81 کۆچبەری ئەفغانی لە ڕێگەی فڕۆکەیەکەوە بۆ وڵاتەکەیان نێردراونەتەوە. 

زانیاریی زیاتر: ئەم کۆچبەرانە لە ئەڵمانیا بە ئەنجامدانی تاوانی قورس تۆمەتبار بوون و تۆمەتەکانیان بە سەردا ساغ بووبوویەوە، ئەڵمانیاش ڕەوانەی وڵاتی خۆیانیانی کردنەوە. 

ئەمەش بزانە: قەتەر لە ڕێکخستنی گەشتی ئەم کۆچبەرانە هاوکار بووە و فڕۆکەیەکی کۆمپانیای قەتەر ئێروەیز گەشتەکەی ئەنجام داوە.

ئەوەی لە بارەیەوە دەگوترێت: لە ناوخۆی ئەڵمانیا ڕەخنە لە حکومەت دەگیرێت بەوەی کۆچبەرانی ئەفغانستان ڕەوانەی ژێر دەستەڵاتی تاڵیبان دەکاتەوە و مافەکانی مرۆڤ پێشێل دەکات.