لە ڕۆژهەڵاتی کوردستان هونەرمەندێک و دوو چالاکوان لەسەر نەورۆز دەستگیر دەکرێن

ئاڤا نیوز

 

 ڕێکخراوی هەنگاو بۆ مافەکانی مرۆڤ ڕایدەگەیێنێت، هێزە ئەمنییەکانی ئێران هونەرمەندێک و دوو  چالاکوانیان بەهۆی ڕێکخستنی ئاهەنگەکانی نەورۆز لە ڕۆژهەڵاتی کوردستان دەستگیرکردوون.

ڕاگەیێنراوی فەرمی: ڕێکخراوی هەنگاو بۆ مافەکانی مرۆڤ ڕایگەیاندووە: حەسەن کاکەیی، هونەرمەندی ناسراوی بۆکان، بەهۆی خوێندنەوەی سروودی حەماسی لە ڕۆژانی نەورۆزدا، لەلایەن هێزێکی ئیتڵاعاتەوە هێرش کراوەتەوە سەر ماڵەکەی، بەتووندی لێی دراوە و دواتر دەستگیر کراوە.

لەلایەکی دیکەوە: دوێنی یەکشەممە چالاکوان سمکۆ  نەسروڵڵاهی، بە تۆمەتی ڕێکخستنی ئاهەنگی نەورۆز لە گوندی "قازڵیان"ی شاری بۆکان لەلایەن هێزە ئەمنییەکانەوە دەستگیرکراوە، هەروەها چالاکوانێکی دیکەش بە ناوی جەلال خودامورادی لە سنە دەستگیر کراوە.

زانیاریی زیاتر: چالاکوان جەلال خودامورادی ئەمڕۆ ئازاد کراوە، چارەنووس و شوێنی دوو کەسەکەی دیکەش نادیارە.