لە سێ ساڵدا 100 هەزار چەكداری حەشدی شەعبی دامەزراون

ئاڤا نیوز

 

لە سێ ساڵی ڕابردوودا 100 هەزار چەكداری حەشدی شەعبی لە عێراق دامەزراون و لە بودجەی گشتیشدا چوار ملیار دیناریان بۆ تەرخان کراوە.

 

وێنە گەورەکە: زیادبوونی ژمارەی چەکدارانی حەشدی شەعبی لە بەرژوەندیی گرووپە سەرەکییەکانی دەستەکە بووە، لە نموونەی (كەتائیبی حیزبوڵڵا، عەسائیبی ئەهلی حەق، کەتائیبی سەیدلشوهەدا، ئیمام عەلی و سەرایای عاشورا و ئەوفیا) و گرووپەكانی دیکە.

 

سەرچاوەی فەرمی: ڕۆژنامەی عەرەبی ئەلجەدید، لە زاری سەرچاوەیەکەوە لە نێو حەشدی شەعبی ڕایگەیاندووە: ژمارەی چەکدارانی حەشدی شەعبی بۆ زیاتر لە 240 هەزار چەكدار بەرزبووەتەوە،  لەکاتێکدا لە ساڵی 2021 ژمارەیان نزیكەی 140 هەزار چەكدار بوو.  

 

زانیاریی زیاتر: بەهۆی زۆربوونی ژمارەی چەكداران و دروستكردنی سەربازگەی زیاتر، لە بودجەی گشتی  2024دا  نزیكەی  چوار ترلیۆن دینار بۆ دەستەی حەشدی شەعبی  تەرخان كراوە.

 

ئەوەی پێویستە بیزانیت:  دەستەی حەشدی شەعبی لە ساڵی 2016 لەسەر فەتوای عەلی سیستانی، مەرجەعی باڵای شیعەکان لە عێراق دروست بوو، ژمارەیەک گرووپی چەکدار لەخۆدەگرێت.