بەهۆی سەرژمێرییەوە گواستنەوەی ناسنامەی باری شارستانیی ڕادەگیرێت

ئاڤا نیوز

وەزارەتی ناوخۆی عێراق ڕاگەیاند، ڕاگرتنی گواستنەوەی ناسنامەی باری شارستانی لەنێوان پارێزگاکانی عێراق بەمەبەستی ئامادەكارییە بۆ سەرژمێریی گشتی دانیشتووان.

لێدوانی فه‌رمی: عەبدولزەهرا هنداوی، گوتەبێژی وەزارەتی پلاندانانی عێراق ڕایگەیاند: بڕیاری ڕاگرتنی گواستنەوەی باری شارستانی بەمەبەستی ئاسانکاریکردنی ڕێکارەکانی ئەنجامدانی سەرژمێری گشتیی دراوە.

بۆچی گرنگە: ئێستا بوودجه‌ی هه‌رێمی كوردستان لەسەر بنەمای ڕێژەی 12.67% لە کۆی گشتیی عێراق بودجه‌ی بۆ دیاریكراوه‌، پێشبینی ده‌كرێت دوای سه‌رژمێریه‌كه‌ بڕی بودجه‌ی هه‌رێمی كوردستان بۆ 14%  به‌رزبێته‌وه‌.

له‌لایه‌كی دیكەوە‌: ڕاگرتنی گواستنەوەی ناسنامەی باری شارستانی لە سەرتاسەری پارێزگاکانی عێراق، لە 1-4 2024ەوە دەستپێدەکات، به‌مه‌به‌ستی ئامادەکاریی بۆ ئەنجامدانی سەرژمێری دانیشتووان.

ئه‌وه‌ی پێویست بیزانیت: لە ساڵی 2009ـوە، حکومەتی عێراق بەنیازە سەرژمێری گشتیی دانیشتووان بکات، بڕیاروایه‌ ئەمساڵ لە 24-11-2024 سەرژمێريی گشتی دانیشتوان لەعێراق وهەرێمی کوردستان دەستپێبکات، تاوەکو 15ـ 12ـ2024 بەردەوام بێت.

ژماره‌كان واده‌ڵێن: بەپێی خەمڵاندنی وەزارەتی پلاندانانی عێراق، هەرێمی کوردستان 14%ی دانیشتووانی عێراق پێکدەهێنێت،  ژمارەی دانیشتووانی عێراق بەپێی دوایین ئاماری وەزارەتەکە، گەیشتووەتە زیاتر له‌ 43 ملیۆن و 324 كه‌س.