فایلی خەڵک؛ بەهۆی نەبوونی گازیی مۆلیدەوە، دانیشتووانی گوندێکی هەریر لە بێئاویدا دەژین

ئاڤا نیوز

دانیشتووانی گوندێکی هەریر، بەهۆی نەبوونی سووتەمەنی پێویست بۆ بیری ئاو، بەدەست کێشەی کەمئاوییەوە دەناڵێنن، قایمقامی قەزاکە بەڵێنی بەدواداچوون و چارەسەرکردنی کێشەکە دەدات.

چیرۆکی سەرەکی: دانیشتووانی گوندی هەڕەش لە سنووری شارۆچکەی هەریر، کە ژمارەیان نزیکەی 100 ماڵ دەبێت،  ماوەی دوو مانگە بەهۆی نەبوونی گاز بۆ مۆلیدەی بیرەکانیان، ڕووبەڕووی گرفتی کەمئاوی بوونەتەوە.  

لێدوانی فەرمی: شێروان جەلال بەگ، قایمقامی قەزای هەریر، بە ئاڤا میدیای وت: "کێشەی کەمئاویمان لە گوندەکان چارەسەر کردووە و ئەگەر هەر گوندێک یان شوێنێکی سنوورەکەمان کێشەی کەمی ئاویان هەبێت، بە تانکەر ئاومان بۆ دابین کردوون."

زانیاریی زیاتر: قایمقامی هەریر سەبارەت بە کێشەی گوندی هەڕەش وتیشی: "بەدواداچوون دەکەین، ئەگەر کێشەی کارەبای بیرەکان هەبێت ئەوا گازی پێویستیان بۆ دابین دەكەین، ئەگەریش داوا بكەن، بە تانكەر ئاویان بۆ دابین دەكەین."