
ئاڤا نیوز
سەرۆک بارزانی لە کۆبوونەوەی لەگەڵ باڵیۆزی بەریتانیا لە عێراق ڕایگەیاند، بە بڕیاری سیاسی دادگەی فیدراڵی و بەپێی ئەجێندای دەرەكی دەستكاریی یاسای هەڵبژاردن كراوە. جەختیشی کردەوە کە ناچنە ژێر باری بڕیاری نادەستووری دادگەی فیدراڵی.
چیرۆکی سەرەکی: سەرۆک مەسعود بارزانی ڕۆژی چوارشەممە 27-03-2024 لە سەڵاحەددین پێشوازی لە ستیڤن هیچن باڵیۆزی بەریتانیا لە عێراق كرد و گفتوگۆ لەبارەی بارودۆخی سیاسیی عێراق و هەرێمی كوردستان كرا.
لێدوانی فەرمی: سەرۆک مەسعود بارزانی لە کۆبوونەوەکەدا سەبارەت بە پرۆسەی هەڵبژاردنی پەرلەمانی کوردستان ئەمانەی گوت:
• لە 1991ـەوە پارتی دەستپێشخەری هەڵبژاردن و گواستنەوەی شەرعیەتی شۆڕشگێڕی بۆ شەرعیەتی یاسایی بووە و هەمیشەش لە هەڵبژاردنەكاندا دەنگی یەكەمی هێناوە.
• ماوەی دووساڵە كە هەڵبژاردنەكان بە بیانووی جۆراوجۆری سیاسی و هاندانی دەرەكی دوادەخرێت.
• ئێستا بە بڕیاری سیاسی دادگەی فیدراڵی و بەپێی ئەجێندای دەرەكی دەستكاریی یاسای هەڵبژاردن كراوە، ئینجا دەڵێن با هەڵبژاردن بكرێت.
• ئێمە خوازیاری بەڕێوەچوونی هەڵبژاردنین، بەڵام دوور لە دەستوەردانی دەرەكی و بڕیارە سیاسییە مەبەستدارەكانی دادگەی فیدراڵی كە ئامانج لێی شكاندنی پارتی بێت.
• ئێمە ناچینە ژێر باری بڕیاری نادەستووری دادگەی فیدراڵی كە تێیدا دادگە خۆی خستووەتە جێگەی دەسەڵاتی یاسادانان و جێبەجێكردن
لەلایەکی دیکەوە: سەرۆک بارزانی سەبارەت بە نەناردنی بودجە و مووچەی خەڵکی هەرێمی کوردستان ئەمانەی گوت:
• ناكرێ مامەڵەی سیاسیانە لەگەڵ بودجە و قووتی خەڵكی كوردستان بكرێت بۆ لاوازكردن و شكاندنی ئیرادەی گەلی كوردستان.
• پێویستە چارەسەرەكی یەكلاكەرەوە بۆ بابەتی بودجەی هەرێمی کوردستان دابنرێت.
• ئێمە پشتئەستوورین بە ڕەوایەتیی دۆزی گەلەكەمان و هەرێمی كوردستان بە خوێن و فرمێسكی گەلی كوردستان دروست بووە نەک بە بڕیاراتی دەرەوەی ئیرادەی گەلی كوردستان.
بۆچوونی لایەنی بەرامبەر: لە میانی دیدارەکەدا باڵیۆزی بەریتانیا لە عێراق سەبارەت بەو پرسانەی گفتوگۆیان لەبارەیەوە کرا گوتی:
• لەگەڵ هەرێمی كوردستانی بەهێز و سەقامگیرداین
• پڕۆسەی سیاسی و هەڵبژاردن لە هەرێمی كوردستاندا بە بێی ڕۆڵی پارتی پڕۆسەیەكی كامل نابێت و دەیانەوێ یارمەتیدەر بن بۆ چارەسەركردنی كێشەكان
زیاتر لەسەر ئەم بابەتانە بکۆڵەرەوە

ئاڤا دیجیتاڵ
Editor
دوایین هەواڵەکان
- کوردستان
- 31 خولەک لەمەوپێش
ئەمڕۆ ئەنجوومەنی وەزیران باسی چی دەکات؟
- عێراق
- 1 کاتژمێر لەمەوپێش
پەرلەمانی عێراق فرۆشتنی جگەرە بە کەسانی خوار تەمەن 18 ساڵ قەدەغە دەکات
- جیهان
- 1 کاتژمێر لەمەوپێش
ترەمپ دووبارە گاڵتە بە بایدن دەکات
هەڵبژاردەکان بۆ تۆ
ئۆتۆمبێلێک خۆی دەکات بە نێو قوتابخانەیەکدا و چەند کەسێک دەکوژێت
16 کاتژمێر لەمەوپێش
نوێنەری قەتەر فاوندەیشن چۆن وەسفی گەنجانی کورد دەکات؟
17 کاتژمێر لەمەوپێش
بۆ یەکەمجار پاڵەوانێتییەک لە عێراق و کوردستان بۆ نابینایان ڕێکخرا
20 کاتژمێر لەمەوپێش
قاقێ لە هەولێر دەستگیر کرا؛ کێ بوو و چی کردووە؟
28 نیسان
یەکێتیی زانایان داوا دەکات کارئاسانی لە پرۆسەی هاوسەرگیری و مارەیی بکرێت
27 نیسان
- کوردستان
- 31 خولەک لەمەوپێش
ئەمڕۆ ئەنجوومەنی وەزیران باسی چی دەکات؟
- کوردستان
- 10 کاتژمێر لەمەوپێش
دانیشتووانی خورماڵ بەهۆی یەکلانەبوونەوەی قایمقام تووڕە و نیگەرانن
- کوردستان
- 10 کاتژمێر لەمەوپێش
فایلی خەڵک؛ ماوەیەکە لە نیوەشەودا دزی لە ئاژەڵدارەکانی نزیک بەحرکە دەکرێت