نەتانیاهۆ: ئیسرائیل کەرتی غەززە ناخاتە ژێر ڕکێفی خۆیەوە

ئاڤا نیوز

بنیامین ناتانیاهۆ، لەبارەی پلانی ستراتیژی بۆ غەززە بە سی ئێن ئێنی ڕاگەیاند: کەرتی غەززە ڕادەستی دەستەیەکی حوکمڕانی کاتی دەکەین.

وێنە گەورەکە: بنیامین نەتانیاهۆ، سەرۆکوەزیرانی ئیسرائیل جەخت لەوە دەکاتەوە کە ئیسرائیل "غەززە ناخاتە ژێر ڕکێفی خۆیەوە و بەڵکو ڕادەستی حکومڕانییەکی کاتی دەکات تاوەکو بەرقەرابوونی ئاسایش.

ئەوەی پێویستە بیزانیت: نەتانیاهۆ ئامانجە سەرەکییەکانی ئیسرائیلی دووپات کردەوە کە  هەڵوەشاندنەوەی تەواوی حەماس و گەڕانەوەی بێ مەرجی هەموو بارمتەکانە، ناتانیاهۆ دەڵێت: ئەگەر حەماس چەک دابنێت و بارمتەکان ئازاد بکات، ئەگەری هەیە ململانێکان بە خێرایی کۆتایی پێبێت.

زانیاریی زیاتر: دوای فشارە نێودەوڵەتییەکان بۆ سەر ئیسرائیل بەمەبەستی کردنەوەی ڕێڕەوی مرۆیی بۆ ناردنی خواردن و خواردنەوە بۆ هاووڵاتییانی کەرتی غەززە، ئێستا وڵاتانی ئوردن، ئیمارات، ئیسپانیا، ئەڵمانیا، فەرەنسا و میسر، لە ڕێگەی ئاسمانییەوە هاوکاریی مرۆیی بەسەر خەڵكی غەززەدا فڕێ دەدەنە خوارەوە. هاوکات ڕۆژانە ژمارەیەک بارهەڵگر هاوکاریی مرۆیی لە ڕێگەی دەروازەی سنووریی ڕەفەحەوە هەناردەی شارەکە دەکەن.