هۆشداری لە هێرشی ئەليكترۆنی بۆ سەر ئۆڵمپیادی پاریس دەدرێت

 ئاڤا نیوز

فەڕەنسا هۆشدری دەدات لەوەی كە ئۆڵمپیادی پاریس بكرێتە ئامانجی هێرشی ئەليكترۆنی و دەوڵەتانی بیانی هەوڵی تێكدانی ڕێوڕەسمی كردنەوەی ئۆڵپمیاد یان درووستكردنی كێشە بۆ هاتوچۆی گشتی بدەن. 

لێدوانی فەرمی: ڤینسێنت ستروبڵ، بەڕێوەبەری گشتیی ئاژانسی ئاسایشی ئەلكترۆنیی فەڕەنسا، ڕایگەیاند: ڕوونە كە یارییەكانی ئۆڵمپیاد دەبنە یەكێكە لە ئامانجەكان. ئێمە خۆمان بۆ هەر جۆرە هێرشێك ئامادە دەكەین. ئەمە ئەو هێرشانەش دەگرێتەوە كە لەوانەیە لەلایەن دەوڵەتانەوە بكرێت تا كێشە بۆ یارییەكان درووست بكەن. 

ئەوەی پێویستە بیزانیت: ئەم هۆشداریدانە لە كاتێكدایە كە پەیوەندییە دیپلۆماسییەكانی نێوان فەڕەنسا و ڕووسیا بە هۆی لێدوانەكانی ئیمانوێل ماكرۆنی سەرۆكی فەڕەنسا، سەبارەت بە ئەگەری ناردنی سەرباز بۆ ئۆكراینا، ئاڵۆز بوون. 

باكگراوند: ڕۆژی 26ـی ‌حوزەیران یارییەكانی ئۆڵمپیاد لە پاریس دەستپێدەكەن. وەرزشوانانی ڕووسیا لە بەشداربوون لە ڕێوڕەسمی كردنەوەی یارییەكان بێبەش كراون. لەبەرئەمە، ڕووسیا كۆمیتەی ئۆڵمپیادی نێودەوڵەتیی بە "ڕەگەزپەرەستی و نازیسمی نوێ" تۆمەتبار كردووە.