فەرمانگەی میدیا و زانیاری: بەرهەمهێنانی کارەبا گەیشتووەتە نزیکەی هەشت هەزار و 200 مێگاوات

ئاڤا نیوز

کابینەی نۆیەم هەزار و 840 مێگاوات بەرهەمهێنانی کارەبای زیاد کردووە، بەمەش توانای بەرهەمهێنانی کارەبا گەیشتووەتە نزیکەی هەشت هەزار و 200 مێگاوات.

وێنەگەورەکە: حکومەتی هەرێمی کوردستان لە کابینەی نۆیەمدا لە پلانیدابوو، کارەبای 24 کاتژمێری بۆ هەموو کوردستان دابین بکات، بۆ ئەم مەبەستە مانگی تشرینی دووەمی ساڵی 2024 سەرۆکوەزیران مەسرور بارزانى، پڕۆژەی ڕووناکی ڕاگەیاند و تا کۆتایی ساڵی 2026 کارەبای 24 کاتژمێری دەگاتە هەموو کوردستان، هاوکات کار لەسەر بەرز کردنەوەی توانای بەرهەمهێنانی کارەبا دەکرێت.

ڕاگەیێنراوی فەرمی: فەرمانگەی میدیا و زانیاری بڵاوی کردووەتەوە، کابینەی نۆیەم هەزار و 840 مێگاوات بەرهەمهێنانی کارەبای زیاد کردووە، بەمەش توانای بەرهەمهێنانی کارەبا گەیشتووەتە نزیکەی هەشت هەزار و 200 مێگاوات.

زانیاریی زیاتر: لە کابینەی نۆیەمدا سێ هەزار و 503 پرۆژە بۆ دابەشکردنی کارەبا جێبەجێ کراون.