گوتەبێژی كۆمسیۆن: داوا لە هاووڵاتیان دەكەین كارتەكانیان وەربگرنەوە

ئاڤا نیوز

 

كۆمسیۆنی باڵای هەڵبژاردنەكانەكانی عێراق، هاووڵاتیان ئاگادار دەکاتەوە سەردانی سەنتەرەکان بکەن و کارتی دەنگدان وەربگرنەوە.

 

لێدوانی فەرمی: جومانە غەلای، گوتەبێژی كۆمسیۆنی باڵای هەڵبژاردنەكانی عێراق بە ئاڤا نیوزی گوت: "ئێمە بەردەوامین لە دابەشکردنی کارتی بایۆمەتری دەنگدان لە تەواوی پارێزگاکانی عێراق و هەرێمی کوردستان".

 

لەلایەکی دیکەوە: هەرچەندە ئێستا پرۆسەی نوێکردنەوە و دەرهێنانی کارتی دەنگدان کۆتاییهاتووە، بەڵام کۆمیسیۆن داوا لەو هاووڵاتییانە دەکات کە پێشتر مامەڵەیان کردووە، سەردانی سەنتەرەکان بکەن و کارتەکانیان وەربگرنەوە. 

 

ئەوەی پێویستە بیزانیت: ئەو هاووڵاتییانەی ساڵی 2023 ڕێوشوێنەکانی نوێکردنەوەی کارتەکەیان ئەنجامداوە، ئێستا کارتەکانیان تەواو بووە و دەتوانن لە 173 سەنتەری نوێکردنەوە و دەرهێنانی کارتی دەنگدان، کارتەکانیان وەربگرنەوە.