49 کەسی سەر بە گیولەنەکان لە تورکیا دەستگیر کران

ئاڤا نیوز

وەزارەتی ناوخۆی تورکیا ئاشكرای دەكات كە لە ئۆپەراسیۆنێکی 10 ڕۆژیدا، 49 کەس کە گومانیان لێدەکرێت کار بۆ ڕێکخراوی فەتحوڵڵا گیولەن بکەن، دەستگیر كراون.

وێنە گەورەکە: ڕێکخراوی فەتحولڵا گیولەن لە تورکیا بە ڕێکخراوێکی تیرۆرستی ناسێنراوە، وەزارەتی ناوخۆی تورکیا لە ڕێگەی ئۆپەراسیۆنی تایبەتەوە هەموو ئەو کەسانەی کە گومانییان لێدەکرێت کار بۆ ئەو ڕێکخراوە دەکەن، دەستگیر دەکات.

ڕاگەیێنراوی فەرمی: وەزارەتی ناوخۆی تورکیا ڕایگەیاند، لە 29 پارێزگای تورکیا، لە ماوەی 10 ڕۆژدا، 49 گومانلێکراوی گیولەنەکان دەستگیر کراون، لێکۆڵینەوە لە 39ـیان کۆتایی هاتووە و لێکۆڵینەوە لە 10 کەسەکەی دیکە بەردەوامە.

زانیاری بەدەسهاتوو: ئەو 49 کەسە چوا تۆمەتییان لەسەر ساغ بووەتەوە:

٠ بەشداریکردن لە چالاکییەکانی ڕێکخراوەکە.

٠ بڵاوکردنەوەی پڕوپاگەندە لە سۆشیال میدیا لە بەرژەوەندی گیولەنەکان.

٠ دابینکردنی سەرچاوەی دارایی بۆ چالاکییەکانی گیولەنەکان.

زانراوە، لە ڕێگەی تەلەفۆنەوە پەیوەندییان بە کەسانی بەرپرسیار لە ناو ڕێکخراوەکەدا کردووە.