سەرکردەکانی ئەورووپا لەسەر پرسی ئۆکراینا کۆدەبنەوە

ئاڤا نیوز

ئەمڕۆ یەکشەممە بڕیارە سەرکردەکانی ئەورووپا کۆبوونەوەیەک لەبارەی پرسی کۆتاییهێنان بەشەڕی ئۆکراینا بکەن، ئەمەش دوای ئەوەی لووتکەی ئەلاسکا دەرئەنجامێکی ئەرێنی بۆ کۆتایهێنان بەشەڕەکەی بەدینەهێنا.

چیرۆکی سەرەکی: هەوڵەکانی ئەمریکا و وڵاتانی ئەورووپا تا ئێستا نەیتوانیووە کۆتایی بە لەشکرکێشی زیاتر لە سێ ساڵەی نێوان ڕووسیا و ئۆکراینا بهێنێت و هەوڵەکانیش تاوەکو ئێستا بەردەوامیان هەیە و ئامانجیش لێی دەستبەکردنی ئاشتییەکی هەمیشەییە بۆ ڕۆژئاوا.

زانیاریی بەدەستهاتوو: ئەمڕۆ یەکشەممە سەرکردەکانی فەرەنسا، ئەڵمانیا و بەریتانیا لەڕێگەی پەیوەندییەکی ڤیدیۆییەوە تاوتوێی هەنگاوەکانی کۆتاییهێنان بە شەڕی ئۆکراینا دەکەن

کاریگەری و لێکەوتەکان: دوای کۆتاییهاتنی لووتکەی ئەلاسکا کە تیادا دۆناڵد ترەمپ، سەرۆکی ئەمریکا  لەگەڵ ڤلادێمیر پووتین، سەرۆکی ڕووسیا کۆبوویەوە، لەدوای تەواوبوونی لووتکەکە ترەمپ لەگەڵ بەرپرسانی ئەورووپا  و ڤۆلۆدێمیر زێلێنسکی ،سەرۆکی ئۆکراینا گفتۆگۆی کردووە.