پسپۆرانی پزیشکی کۆمەڵێک سوودی چای شیرین ئاشکرا دەکەن

ئاڤا نیوز

پزیشکان زانیاریی نوێ دەربارەی سوود و لایەنە باشەکانی چای شیرین بڵاو دەکەنەوە. یەکێک لەلایەنە باشەکان، یارمەتیی پرۆسەی هەرسکردنی خۆراک دەدات.

چیرۆکی سەرەکی: چای شیرین یەکێکە لە خواردنەوە گەرمەکان، بە بەکارهێنانی شەکر یان هەنگوین شیرین دەکرێت و لەدوای ژەمە خۆراکییەکان دەخورێتەوە. هاوکات، هەڵبژاردەیەکی سەرەکی  ئەو کەسانەیە کە حەز بە خواردن و خواردنەوەی شیرنەمەنی دەکەن.

لێدوانی فەرمی: د. یکاترینیا تیتۆڤا، پسپۆری نەخۆشییەکانی کۆئەندامی هەرس دەڵێت: چای شیرین ئەگەر بەشێوەیەکی درووست و بێ زیادەڕۆیی بخورێتەوە، چەندین سوود و لایەنی باشی هەیە.

ئەو پسپۆرە کۆمەڵێک لایەنی ئەرێنی چای شیرین دیاری دەکات و دیارترینیان ئەمانەن:

- تامی چایەکە خۆش دەکات، ئەمەش دەبێتە هاندانێک بۆ ئەوەی ڕۆژانە شلەمەنی زیاتر بخۆرێتەوە.

- خواردنی بڕێکی کەم لە شەکر، وزەیەکی باش دەبەخشێت بەجەستە.

-  هاوسەنگکردنی ڕێژەی شەکر لە خوێن لەکاتی کەمبونەوەی.

- چالاککردنی خانەکانی مێشک.

- پاراستنی جگەر.

- بەهێزکردنی بەرگریی لەش. 

- یارمەتیی پرۆسەی هەرسکردنی خۆراک دەدات.

ئەو پسپۆرە دەشڵێت، پێویستە کەسانی بە تەمەن خۆیان بەدوور بگرن لە خواردنی شەکر، بەڵام ئەگەر هەر بەکاریانهێنا، ڕۆژانە پێنج بۆ شەش کەوچکی بچووک شەکر بەکاربهێنن.