سەرۆکی میسر: دامەزراندنی دەوڵەتی فەلەستین تاکە ڕێگەیە بۆ ڕاگرتنی شەڕ

ئاڤا نیوز

سەرۆکی میسر و سەرۆکوەزیرانی قەتەر جەختیان لە کۆتاییهێنان بە شەڕ لە غەززە کردەوە. هاوکات سەرۆکی میسر دووپاتی کردەوە کە دامەزراندنی دەوڵەتی فەلەستین تاکە ڕێگەیە بۆ کۆتاییهێنان بە شەڕی ئیسرائیل و حەماس.

وێنە گەورەکە: ماوەی نزیکەی سێ ساڵە جەنگی نێوان ئیسرائیل و حەماس بەردەوامە و ئێستا هەوڵەکان بۆ کۆتاییهێنان بەو شەڕە چڕتر کراوەتەوە و ئەمڕۆ سەرۆکی میسر لەگەڵ سەرۆکوەزیرانی قەتەر کۆبووەوە  و هەردوولا جەختیان لە "پێویستیی ئاگربەستی غەززە کردەوە".

لێدوانی فەرمی: عەبدولفەتاح سیسی، سەرۆکی میسر لە کۆبوونەوەکەیدا لەگەڵ سەرۆکوەزیرانی قەتەر ڕایگەیاند، دامەزراندنی دەوڵەتی فەلەستین تاکە ڕێگەیە بۆ کۆتاییهێنان بە شەڕی نێوان حەماس و ئیسرائیل و ڕێککەوتنێکی کۆنکرێتی بۆ کۆتاییهێنان بەو شەڕە پێویستە.

ئەمەش بزانە: نزیکەی سێ ساڵە شەڕی نێوان ئیسرائیل و حەماس بەردەوامە و تاوەکو ئێستا لە غەززە زیاتر لە 61 هەزار هاووڵاتی کوژراون و لە ئیسرائیلیش زیاتر لە هەزار هاووڵاتی کوژراون.