ترەمپ: چانسی چوونە بەهەشتم زیاتر دەبێت ئەگەر ئاشتی لەنێوان ڕووسیا و ئۆکراینا دەستەبەر بکەم

ئاڤا نیوز

 

دۆناڵد ترەمپ، سەرۆکی ئەمریکا، لەبارەی ئەگەری کۆتاییهێنان بە جەنگی ئۆکراینا و ڕووسیا ئاشکرای دەکات، ئەگەر بتوانێت ئاشتی لە ئۆکراینا دەستەبەر بکات، شانسی ئەو بۆ گەیشتن و چوونە هەشت زیاتر دەکات.

 

چیرۆکی سەرەکی: دۆناڵد ترەمپ هەمیشە خواستی خۆی بۆ کۆتاییهێنان بە جەنگی ئۆکراینا و ڕووسیا دەبڕیووە، پەیوەست بەمەش ئەم هەفتەیە لەگەڵ چەندین سەکردەی باڵای وڵاتان کۆبوویەوە و لەنێویاندا خودی سەرۆکی ڕووسیا و ئۆکرایناش.

 

لێدوانی فەرمی: دۆناڵد ترەمپ، سەرۆکی ئەمریکا، لە چاوپێکەوتنێکی لەگەڵ بەرنامەی "فۆکس و هاوڕێیان"ـی کەناڵی فۆکس نیوز ڕایگەیاند ،"ئەگەر بتوانم دەمەوێت بچمە بەهەشت، پێشم دەڵێن، دۆخم باش نییە، بەڕاستی لە خوارەوەی پلیکانەکەم ! بەڵام ئەگەر بچمە بەهەشت، ئەمە [ کۆتاییهێنان بە جەنگی ڕووسیا و ئۆکراینا] یەکێک دەبێت لە هۆکارەکان".

 

بەتەنیشت ئەم بابەتەوە: لە وەڵامی پرسیارێکدا سەبارەت بە لێدوانەکانی ترەمپ، کارۆلین لیڤیت، وتەبێژی کۆشکی سپی بە ڕۆژنامەنووسانی ڕاگەیاند، سەرۆک جددی بووە و  پێموایە سەرۆک دەیەوێت بچێتە بەهەشت، هەر وەک هەموومان ئەوەمان دەوێت"