زانیاری تایبەت؛ فەرمانی دەستگیرکردن بۆ لاهوور شێخ جەنگی دەرچوو

ئاڤا نیوز

بەگوێرەی زانیارییەکانی ئاڤا میدیا، فەرمانی دەستگیرکردن بۆ لاهوور شێخ جەنگی دەرچووە. بەڵام هێشتا بڕیارەکە بەدەست لاهوور شێخ جەنگی نەگەیشتووە.

چی ڕوویدا: لەدوای کاتژمێر 3ـی دوای نیوەڕۆی ئەمڕۆ پێنجشەممەوە هێزێکی زۆری ئەمنی لە سلێمانی جموجۆڵیان پێ دەکرێت. بە تایبەت لە بازگەکان قەرەباڵغی زۆر دروستبووە و سەرچاوەکانی ناو بەرەی گەل دەڵێن، "بۆ دەستگیرکردنی ئەندامانی ئێمەیە". هاوکات هێزێکی زۆریش لە دەووربەری شوێنی مانەوەی لاهوور شێخ جەنگی جێگیرکراون.

زانیاریی تایبەت: بەگوێرەی زانیارییەکانی ئاڤا، فەرمانی دەستگیرکردن بۆ لاهوور شێخ جەنگی، سەرۆکی بەرەی گەل دەرچووە، بەڵام هێشتا فەرمانەکە نەگەیشتووەتە دەستی. ئەمە جگە لەوەی فەرمانی دەستگیرکردن بۆ چەند ئەندامێکی باڵای نزیک لە بەرەی گەل و لاهوور شێخ جەنگی دەرچووە.