سەرۆکایەتیی هەرێمی کوردستان: پێویستە سەرجەم کێشەکان بە یاسا یەکلایی بکرێنەوە

ئاڤا نیوز

سەرۆکایەتیی هەرێمی کوردستان ڕاگەیێنراوێکی لەبارەی شەڕ و ئاڵۆزییەکانی بەرەبەیانی ڕۆژی هەینی سلێمانی بڵاوکردەوە تیایدا هاتووە: پێویستە سەرجەم كێشه‌ و ناكۆكييه‌كان به‌ ياسا و دوور له‌ توندوتيژى يه‌كلايى بكرێنه‌وه‌.

چیرۆکی سەرەکی: لە کاتژمێر 3ی بەرەبەیانی ڕۆژی هەینی ڕووبەڕبوونەوەی چەکداری لە نێوان هێزە ئەمنییەکانی سلێمانی و چەکدارانی سەر بە لاهوور شێخ جەنگی لە لالەزار ڕوویدا و تاوەکو کاتژمێر 7 بەردەوام بوو، لە ئەنجامی ئەو ڕووبەڕووبوونەوە چەکدارییە لاهوور شێخ جەنگی و براکانی دەستگیرکران، هاوکات چوار ئەندامی هێزە ئەمنییەکان کوژران و 15 کەسی دیکەش لە هەردوولا برینداربوون. 

ڕاگەیێنراوی فەرمی: سەرۆکایەتیی هەرێمی کوردستان ڕایگەیاند: دوابەدوای‌ ڕووداوه‌ نه‌خوازراوه‌کەی به‌ره‌به‌يانى ئه‌مڕۆى سلێمانى كه‌ به‌داخه‌وه‌ ژماره‌يه‌ك قوربانیى لێكه‌وته‌وه، جه‌خت له‌ سه‌روه‌ريى ياسا و پاراستنى ئاسايش و ئاراميى شار و پاراستنى سه‌ر و ماڵى هاووڵاتييان ده‌كه‌ينه‌وه‌.

پێویستە سەرجەم كێشه‌ و ناكۆكييه‌كان به‌ ياسا و دوور له‌ توندوتيژى يه‌كلايى بكرێنه‌وه‌.