نەتەوەیەکگرتووەکان: ئەمساڵ ئێران زیاتر لە 800 کەسی لەسێدارە داوە

ئاڤا نیوز
 

نەتەوەیەکگرتووەکان ڕایگەیاند، لە سەرەتای ئەمساڵەوە تا ئێستا 841 کەس لە ئێران لەسێدارە دراون.

 

ڕاگەیێنراوی فەرمی: نووسینگەی مافی مرۆڤی نەتەوەیەکگرتووەکان ڕایگەیاند، لەماوەی نیوەی یەکەمی ساڵی 2025ـدا ئامارەکانی لەسێدارەدان زیاتر بوون. نووسینگەکە بەکارهێنانی سزای لەسێدارەدانی بەشێوەیەکی سیستماتیکی وەک ئامرازێکی تۆقاندنی دەوڵەت سەرکۆنە کردووە.  

 

زانیاریی زیاتر: ئێران تەنیا لە مانگی تەمموزدا لانیکەم 110 کەسی لەسێدارەداوە کە دوو ئەوەندەی ژمارەی ئەو کەسانەیە کە لە مانگی تەمموزی 2024ـدا لەسێدارە دراون.

 

ئەمەش بزانە: بەرپرسانی نەتەوەیەکگرتووەکان هۆشدارییان داوە لەوەی کە ڕەنگە دۆخی ڕاستەقینەی لەسێدارەدانەکان جیاواز بێت و ژمارەکە لەوەش زیاتر بێت.