بولگاریا و ڕۆمانیا دەبنە بەشێک لە ناوچەی شنگن

ئاڤا نیوز

دوای 13 ساڵ لە چاوەڕوانی، سەرئەنجام بولگاریا و ڕۆمانیا دەبنە بەشێک لە ناوچەی شنگنی یەکێتیی ئەوروپا. لە قۆناغی یەکەمدا لە ڕۆژی یەکشەممەوە، هاوڵاتیانی ئەم وڵاتانە دەتوانن لە ڕێگەی ئاسمانی و دەریاییەوە، بێ ڤیزا، بچنە وڵاتانی ناوچەی شنگن. 

وێنە گەورەکە: ئەندامبوونی نیمچەیی بولگاریا و ڕۆمانیا لە ناوچەی شنگن دوای ئەوە هات کە ئەو وڵاتانە مەرج و ڕێکارەکانی پەیوەست بە چوونە ناو شنگنیان جێبەجێکرد. چاوەڕێدەکرێت جووڵەیەکی زیاتری هاتوچۆ لە نیوان ئەو دەوڵەتانە و وڵاتانی دیکەی ناوچەی شنگن بە دوای خۆیدا بێنێت. 

زانیاریی زیاتر: لەبەر ناڕەزایی نەمسا لە بەرامبەر ئەندامبوونی وڵاتانی ئەوروپای ڕۆژهەڵات لە ناوچەی شنگن لە ترسی شەپۆلی کۆچبەران، کۆنترۆڵی سنوورە خاکییەکان هەر بەردەوام دەبێت و ئازادیی هاتوچۆ ڕێگەی وشکانی ناگرێتەوە.