لە ڕووداوێکی هاتووچۆدا دوو مێرمنداڵ گیانیان لەدەست دا

ئاڤا نیوز

 

کاتژمێر 9ی ئەمشەو، لەسەر شەقامی 150 مەتریی شاری هەولێر بەهۆی ڕووداوێکی هاتووچۆ دوو مێرمداڵ کە تەمەنیان لەنێوان 10 بۆ 11 ساڵاندا بووە و دراوسێی یەکدی بوون گیانیان لەدەست دا.

زانیاریی پەیامنێر: هیشام سەعید، پەیامنێری ئاڤا ڕایگەیاند، ئەو دوو مێرمنداڵە لە ڕووداوێکی هاتووچۆدا لەسەر شەقامی 150 مەتریی شاری هەولێر گیانیان لەدەست داوە. ڕووداوەکە کاتێک ڕووی داوە کە ئەو دوو مێرمنداڵە لەسەر ماتۆڕسکیلێک بوون و ئۆتۆمبێلێک خۆی کێشاوە بە ماتۆڕسکیلەکەیاندا. دواتر ئەو دوو مێرمنداڵە بە برینداری گواستراونەتەوە بۆ نەخۆشخانەی فریاکەوتنی ڕزگاریی شاری هەولێر.

ئەوەی پێویستە بیزانیت: بەپێی زانیارییەکانی ئاڤا، ئەو دوو مێرمنداڵە کە گیانیان لەدەست داوە، دراوسێی یەکدی بوون و دوای توێکاری بۆ تەرمەکانیان، ڕادەستی کەسوکاریان کراونەتەوە.

لەلایەکی دیکەوە: شۆفێری ئۆتۆمبێلەکە کە تەمەنی 25 ساڵانە، لەلایەن بنکەی پۆلیسی پیرزینەوە دەستگیر کراوە و لێکۆڵینەوە لە ڕووداوەکە بەردەوامە.