کارەبای 24 کاتژمێری بۆ تەواوی قەزای خەبات دابینکرا

ئاڤا نیوز

پرۆژەی ڕووناکی لە تەواوی قەزای خەبات و دەوروبەری جێبەجێکراوە، کێشەی پچڕانی کارەبا بە تەواوی لەو سنوورە نەماوە.

وێنە گەورەکە: لەسەر ڕاسپاردەی سەرۆکوەزیران مەسرور بارزانی پرۆژەی ڕووناکی ڕاگەیێنراوە کە کارەبای 24 کاتژمێری بۆ هەرێمی کوردستان دابین دەکات، بڕیارە تاکۆتایی ساڵی 2026 تەواوی هەرێمی کوردستان کارەبای بەردەوامی بۆ دابین بکرێت، لە زۆربەی قەزا و ناحیەکانیش کارکردن بەردەوامە. هاوکات لە قەزای خەبات و دەوروبەری کارکردن تیایدا کۆتایی هاتووە و کارەبای بەردەوامیان بۆ دابینکراوە.

لێدوانی فەرمی: ئەردەلان کاوێز، بەڕێوەبەری کارەبای خەبات بە ئاڤا میدیای ڕاگەیاند، تیمی ڕووناکی کارەکانی لە سنووری قەزای  خەبات تەواو بووە، ئێستا تەواوی خەبات و دەوروبەری کارەبای 24 کاتژمێری بۆ دابینکراوە.

- دوای تەواوبوونی کارەکانی تیمی ڕووناکی، زۆربەی هاووڵاتیان خۆیان لە پڕۆژەکە تۆمار کردووە، ئەو شوێنانەی کە پێشتر پێوەری زیرەکیان بۆ نەچووە، پێوستە سەردانی بەڕێوەبەرایەتیی کارەبای خەبات بکەن بۆ تەواوکردنی مامەڵەکانیان.

زانیاریی زیاتر: لەماوەی ڕابردوو هاووڵاتیان بەهۆی کەمی کارەبا ناڕەزاییان دەردەبڕی، بەڵام ئێستا تەواوی سنوورەکە کارەبای 24 کاژمێری بۆ دابینکراوە بە نرخی پاڵپشتی کراوی حکومەت و بەپێی بەکارهێنان.

ئەوەی پێویستە بیزانیت: بەپێی دوایین ئاماری وەزارەتی کارەبا تا ئێستا نزیکەی چوار ملیۆن هاووڵاتیی پڕۆژەی ڕووناکییان پێگەیشتووە.