لە کۆبوونەوەی پاریس ئەوروپا گەرەنتی ئاسایشی ئۆکراینا پێشکەش دەکات

ئاڤا نیوز

لە چوارچێوەی هەوڵەکان بۆ کۆتاییهێنان بەشەڕی ڕووسیا و ئۆکراینا، ئەمڕۆ پێنجشەممە پاریس میوانداری لووتکەیەک دەکات کە تێیدا پرسی گەرەنتیکردنی ئاسایشی ئۆکراینا لەگەڵ وڵاتانی ئەوروپا تاوتوێی دەکات.

چیرۆکی سەرەکی: دوای گەیشتنی ڤۆلۆدێمیر زێلینسکی، سەرۆکی ئۆکراینا بۆ پاریس بەئامانجی تاوتویێکردنی پرسی وڵاتەکەی لەگەڵ سەرکردەکانی ئەوروپا. ئەمڕۆ پێنجشەممە کۆبوونەوەیەک دەکرێت هەر یەکە لە ماکرۆن و زێلێنسکی و سەرکردەکانی دیکە بەشدار دەبن.

زانیاریی بەدەستهاتوو: بڕیار وایە دوای کۆتایی هاتنی کۆبوونەوەکە، ئیمانوێل ماکرۆن، سەرۆکی فەرەنسا و زێلێنسکی و سەرکردەکانی ئەوروپا پەیوەندییەکی تەلەفۆنی لەگەڵ دۆناڵد ترەمپ، سەرۆکی ئەمریکا ئەنجام  بدەن.

زانیاریی زیاتر: هەموو ئەمانەش لەکاتێکدان سەرۆکی ئەمریکا بێزاری خۆی لە پووتین دەربڕیووە سەبارەت بە درێژەدان بە لەشکرکێشییەکەی، هاوکات نەگەیشتن بە هیچ ڕێککەوتنێک لەگەڵ ئۆکراینا سەرەڕای چڕبوونەوەی هەوڵەکان بۆ ئەم پرسە.