سەبارەت بە گرژیەکانی ناوخۆ و ناوچەکە ئەردۆغان و باخچەلی کۆدەبنەوە

ئاڤا نیوز

بڕیار وایە ئەمڕۆ سەرۆککۆماری تورکیا سەردانی سەرۆکی پارتی بزووتنەوەی نەتەوەیی تورکیا بکات و لەبارەی گرژییەکانی ناوخۆ و ناوچەکە کۆببنەوە.

چیرۆکی سەرەکی: ئەمڕۆ پێنجشەممە ڕەجەب تەیب ئەردۆغان، سەرۆککۆماری تورکیا سەردانی دەوڵەت باخچەلی، سەرۆکی (مەهەپە) دەکات و کۆبوونەوەیەکی گرنگ ئەنجام دەدرێت، لە کۆبوونەوەکەدا پێشهاتە ناوخۆییەکانی تورکیا و ڕۆژهەڵاتی ناوەڕاست تاوتووێ دەکرێن.

چی ڕوودەدات: دەوڵەت باخچەلی، سەرۆکی "مەهەپە" لە بڵاوکراوەیەکی فەرمی سەبارەت بە دوایین پێشهات و بارودۆخی ڕۆژهەڵاتی ناوەڕاست ئاماژەی بە بانگەوازی عەبدوڵڵا ئۆجەلان و ڕێککەوتنامەی 10ـی ئادار کرد و ڕایگەیاند: بانگەوازی ئۆجەلان بۆ دانانی چەک، هەسەدەش دەگرێتەوە و دەبێت بە پێی پرۆسەکە هەنگاو بنێن و داواکارییەکانی بانگەوازەکە جێبەجێ بکەن، لە هەمان کاتدا دۆخی ناوخۆی تورکیا تووشی پشێووی بووە بە هۆی هەڵوەشاندنەوەی کۆنگرەی رێکخستنەکانی جەهەپە کە بڕیاربوو لە ئیستەنبووڵ ئەنجام بدرێت.