سوودانی بەرەو برۆکسل بەڕێدەکەوێت

ئاڤا نیوز


بەرەبەیانی ئەمڕۆ دووشەممە، سوودانی، سەرۆکوەزیرانی عێراق بەرەو برۆکسل پایتەختی بەلجیکا بەڕێکەوت و وتارێک لە بەردەم ئەنجوومەنی باکووری ئەتڵەسی(ناتۆ) پێشکەش دەکات.

ڕاگەیێنراوی فەرمی: نووسینگەی سەرۆکوەزیرانی عێراق ڕایگەیاند، ناوبراو بەمەبەستی پێشکەشکردنی وتارێک لەبەردەم ئەنجوومەنی باکووری ئەتڵەسی، لەسەر بانگهێشتی فەرمی مارک ڕوتە، سکرتێری گشتیی ناتۆ، گەشتی بۆ برۆکسل کردووە.

ئەوەی پێویستە بیزانیت: لە 02-05-2025، سوودانی پێشوازیی لە مارک ڕۆتە لە بەغدا کرد، سکرتێری گشتیی ناوتۆ بە فەرمی بانگهێشتی سەرۆکوەزیرانی عێراقی کرد بۆ بەشداریکردن لە کۆبوونەوەی ئەنجوومەنی ناتۆ لە برۆکسل و پێشکەشکردنی وتارەکەی عێراق.