ئاماری زیانەکانی بوومەلەرزەکەی ئەفغانستان ئاشکرا دەکرێت

ئاڤا نیوز

نەتەوەیەکگرتووەکان زیان و کاریگەرییەکانی بوومەلەرزە بەهێزەکەی ئەفغانستان دیار دەکات و ڕایگەیاند، بەهۆی بوومەلەرزەکەوە زیاتر لە دوو هەزار کەس گیانیان لەدەستداوە، ئەمە جگە لەو زیانە ماددییەی بەر ئەو وڵاتە کەوتووە.

چیرۆکی سەرەکی:  شەوی 31-8-2025،  بوومەلەرزەیەکی بەهێز بە گوڕی 6 پلەی ڕێختەر ڕۆژهەڵاتی ئەفغانستای هەژاند و ناوەندی بوومەلەرزەکە بە دووری 42 کیلۆمەتر لە باکووری ڕۆژهەڵاتی جەلال ئاباد لە قوڵایی 8 کیلۆمەتر بوو زیانی زۆری بەدوای خۆیدا هێنا.

بڵاوکراوەی فەرمی: شانۆن ئۆاهارا، سەرۆکی نووسینگەی هەماهەنگی کاروباری مرۆیی نەتەوە یەکگرتووەکان لە ئەفغانستان بڵاویکردەوە: بەهۆی بوومەلەرزە بەهێزەکەی هەفتەی ڕابردووی ئەفغانستان دوو هەزار و 200 کەس گیانیان لەدەستداوە و هەزاران کەسی دیکەش برینداربوون، پیشبینیش دەکرێت ژمارەی قوربانییان زیاتر ببێتەوە بەهۆی دەرهێنانی تەرمی زیاتر لە ژێر داروپەردووکان.

سەربارەت بە زیانە ماددییەکان ئۆهارا ڕایگەیاند: پێنج هەزار و 230 خانوو وێران بوون و زیان بە 672 خانووی دیکەش کەوتووە لە 49 گوندی ئەو وڵاتە.