53 ئەندامی گولەنەکان لە تورکیا دەستگیر کران

ئاڤا نیوز

 

لە ئۆپەراسیۆنێکی وەزارەتی ناوخۆی تورکیا کە ماوەی دوو هەفتەیە بەردەوامە، لە 19 پارێزگا 53 کەس کە کاریان بۆ ڕێکخراوی فەتحوڵڵا گولەن کردووە، دەستگیر کران. 

 

چیرۆکی سەرەکی: لە ئۆپەراسیۆنەکەدا کە لە 19 پارێزگای تورکیا لەلایەن داواکاری گشتیی کۆماری تورکیا و فەرماندەی جەندرمەی شارەکان ڕێکخراوە، 53 دەستگیرکراون، لەو ژمارەیە 40یان تۆمەتی ئەوەیان خراوەتە پاڵ کە کاریان بۆ ڕێکخراوی فەتحوڵڵا گولەن کردووە، دادگا ئەو تۆمەتەی بەسەردا ساغ کردوونەتەوە و فەرمانی زیندانیکردنیان بۆ دەرچووە. 

 

ڕاگەیێنراوی فەرمی: عەلی یەرلیکایە، وەزیری ناوخۆی تورکیا لە سۆشیاڵ میدیا ڕایگەیاند، لە ماوەی 10 ڕۆژی ڕابردوو ئۆپەراسیۆنێکمان بۆ گەڕان بەدوای ئەندامانی گولەنەکان دەستپێکردووە. 

 

زانیاریی بەدەستهاتوو: بەپێی زانیارییەکانی وەزارەی ناوخۆی تورکیا، ئەوانەی دەستگیرکراون تۆمەتبارن بە چالاکی کردن بۆ گولەنەکان، دابینکردنی سەرچاوەی دارایی و بەڕێوەبردنی ئەکاونتەکانی سۆشیاڵ میدیای گولەنەکان و لەو ڕێگەیەوە ڕێکلامیان بۆ دەکەن. 

 

زانیاریی زیاتر: هەر لە ئۆپراسیۆنەکانی جەندرمەدا لە 19 پارێزگا لەوانە: ئەنقەرە، ئیستەنبووڵ و ئیزمیر دەست بەسەر ژمارەیەکی زۆر بەڵگەنامەی ڕێکخراوەیی و کەرەستەی دیجیتاڵیدا گیراوە.