سەرۆکی حیزبێکی کوردستان سێ ملیۆن دۆلاری خەڵک دەبات

ئاڤا نیوز

ئەمرۆ ژمارەیەک هاووڵاتی لەبەردەم بارەگای حیزبێک لە شاری هەولێر گردبوونەوە و داوای گێڕانەوەی نزیکەی 300 دەفتەر دۆلاریان کرد، کە بە گوتەی ئەوان، سەرۆکی ئەو حیزبە وەریگرتووە و هیچ پڕۆژەیەکی پێ نەخستووەتەگەڕ. بەڵام هیچ کەسێک لە بەرپرسانی حیزبەکە ئامادە نەبوو وەڵامی داواکارییەکانیان بداتەوە.

چیرۆکی سەرەکی: سەرۆکی حیزبێک لە هەولێر بڕی 300 دەفتەر دۆلاری لە نزیکەی 20 هاوڵاتی لە شارەکانی هەولێر و دهۆک وەرگرتووە و ڕاگەیاندووە کە ئەو پارەیە بۆ دروستکردنی پڕۆژەی وەبەرهێنان بەکاردەهێنرێت، بەڵام بەپێی وتەی قوربانییەکان، تا ئێستا هیچ پڕۆژەیەک نەخراوەتەگەڕ و چارەنووسی پارەکەیش نادیارە.

زانیاریی زیاتر: ئەم بابەتە ماوەی زیاتر لە چوار ساڵە بەردەوامە و هاووڵاتیانی زیانمەند لەم کێشەیە، چەندین جار هەوڵیان داوە پارەکانیان وەرگرنەوە، بەڵام بێ سوود بووە. جگە لەوەش، زیاتر لە 20 سکاڵای یاسایی لەسەر سەرۆکی ئەو حیزبە تۆمار کراوە، بەڵام تا ئێستا هیچ بڕیارێکی کۆتایی لەبارەیەوە نەدراوە و دۆسییەکە هێشتا لە دادگاکانە.