لە كەركووك باندێكی لەشفرۆشی و بازرگانیكردن بەمرۆڤ دەستگیر دەكرێن

ئاڤا نیوز

ئاژانسی هەواڵگریی كەركووك هەڵوەشاندنەوەی باندێكی تاوانكاری ڕاگەیاند كە لە بازرگانیكردن بە مرۆڤ و بەكارهێنانی ئافرەتان بۆ بەدڕەوشتی و لەشفرۆشی تێوەگلاون.

ڕاگەیێنراوی فەرمی: ئاژانسی هەواڵگریی كەركووك لە ڕاگەیێنراوێکدا ئاماژەی بەوە كردووە، هێزەكانی هەواڵگری لەژێر سەرپەرشتی ڕاستەوخۆی دادوەری لێكۆڵینەوەی دادگای كەركووك، دوای كۆكردنەوەی زانیاریی ورد و پێویست، ئۆپەراسیۆنێكیان ئەنجامدا و سێ تۆمەتباریان دەستگیر كرد.

زانیاریی زیاتر: هەواڵگریی كەركووك ئاماژەی بەوەشكردووە، ئەنجامدانی ئۆپەراسیۆنەكە بەشێكە لە هەوڵە بەردەوامەكان بۆ بەرەنگاربوونەوەی تاوانە ڕێكخراوەكان و پاراستنی كۆمەڵگە لە تۆڕە تاوانكارییەكان لەپێناو هێنانەدی ئاسایش و سەقامگیریی كۆمەڵگە.