وەزارەتی پلاندانان: ئاڤا ڕەنگێکی جیاواز و تایبەتی دا بە کاری میدیایی لە کوردستان

ئاڤا نیوز

بەبۆنەی تێپەڕبوونی ساڵێک بەسەر پەخشی کەناڵی ئاڤا بریکاری وەزارەتی پلاندانانی هەرێمی کوردستان، پیرۆزبایی لە گرووپی میدیایی ئاڤا دەکات و دووپاتی دەکاتەوە، ئاڤا ڕەنگێکی جیاواز و تایبەتی دا بە کاری میدیایی لە کوردستان.

پەیامی فەرمی سیروان محەممەد، بریکاری وەزارەتی پلاندانان لە ساڵیادی ئاڤا: بە بۆنەی یەکەم ساڵوەگەری دەستپێکردنی پەخشی ئاڤا میدیا پیرۆزباییتان لێ دەکەم، هیوادارم ئاڤا لەکارە جوانەکانی بەردەوام بێت و ببێتە ئاوێنەی ڕەنگدانەوەی خواستی بینەران لە کاری میدیایی.

دامەزراندنی ئاڤا میدیا ساڵێک لەمەوبەر، ڕەنگێکی جیاواز و تایبەتی دا بە کاری میدیایی لە کوردستان و توانی لەماوەیەکی کەمدا جێی خۆی بکاتەوە و سەرنجی بینەران بۆلای خۆی ڕابکێشێت.