ڕێباز حەملان بۆ ئاڤا: بەدەستهێنانی پلەی یەکەمیتان پیرۆزە

ئاڤا نیوز

ڕێباز حەملان، یاریدەدەری سەرۆکوەزیران بەبۆنەی ساڵیادی دەستپێکردنی پەخشی کەناڵی ئاڤا پیرۆزبایی لە گرووپی میدیایی ئاڤا دەکات و دەڵێت: " لە کوژاندنەوەی یەکەم مۆمی ساڵیادی دامەزراندنی ئاڤا و سەرکەوتنی زۆر گەورە و بەدەستهێنانی پلەی یەکەمیتان گەرمترین پیرۆزباییتان لێ دەکەم".

دەقی پەیامی پیرۆزبایی ڕێباز حەملان، یاریدەدەری سەرۆکوەزیرانە بۆ گرووپی میدیایی ئاڤا:

بەڕێزان / سەرۆک و سەرجەم ستافی بەڕێزی دامەزراوەی میدیایی ئاڤا 

لە کوژاندنەوەی یەکەم مۆمی ساڵیادی دامەزراندنی ئاڤا و سەرکەوتنی زۆر گەورە و بەدەستهێنانی پلەی یەکەمیتان گەرمترین پیرۆزباییتان لێ دەکەم ، بە کارە ناوازەکانتان توانیتان لەماوەیەکی زۆر کەمدا خۆتان لە ناو دڵی هاونیشتمانیان بە هەموو ڕەنگ و دەنگێکی جیاوازەوە بچەسپێنن، بە راستگۆیی و گەیاندنی هەواڵی نوێ و نەبیسترا و بە کارەکانتان لە بواری وەرزشی و هونەری و کۆمەڵایەتی و سیاسی و زانستی و لاوان و هەموو بوارە جیاوازەکان.

دەستخۆشیتان لێ دەکەم دڵنیام ساڵ بە ساڵ پێشکەوتووتر و سەرکەوتوو تر دەبن، چاوەڕێی کاری گەورەترتان لێ دەکەین. 

ڕێزو تەقدیری زۆرم بۆتان

ڕێباز حەملان 
یاریدەدەری سەرۆکی حکومەتی هەرێمی کوردستان