وەزارەتی بازرگانی هەرێمی کوردستان ڕوونکردنەوە لەبارەی پارەی بەشە خۆراک دەدات

ئاڤا نیوز

وەزارەتی بازرگانی هەرێمی کوردستان، ڕوونکردنەوە لەبارەی ئەو بڕە پارەیە دەدات کە مانگانە لەبەرامبەر پێدانی بەشە خۆراک لەهەر تاکێک وەردەگرێت، جەخت لەوە دەکاتەوە کە ئەوە تەنیا پێشنیازێکە.

وێنە گەورەکە: مانگانە لەبەرامبەر پێدانی بەشە خۆراکی مانگانە بڕی 500 دینار بۆ هەر تاکێک وەردەگیرێت لە سەرتاسەری عێراق، ئەگەر پارەکە زیاد بکرێت ئەوا هەرێمی کوردستانیش دەگرێتەوە.

لێدوانی فەرمی: نەوزاد شێخ کامیل، بەڕێوەبەری گشتیی بازرگانی لە وەزارەتی بازرگانی و پیشەسازی بە ئاڤای گوت، "ئەنجوومەنی باڵای ئابووریی عێراق پێشنیازی بۆ ئەنجوومەنی وەزیران کردووە پارەی خۆراکی مانگانە لە 500 دینارەوە بکرێتە 1000 دینار بۆ هەر تاکێک و ئەگەر بکرێتە بڕیار هەرێمی کوردستانیش دەگرێتەوە."

لەلایەکی دیکەوە: وەزارەتی بازرگانیی عێراق لە ڕاگەیێنراوێکدا ئەو دەنگۆیانەی ڕەتکردەوە کە باس لە زیادبوونی ئەو بڕە پارەیە دەکەن کە لەلایەن بریکارەکانی خۆراکەوە لە هاووڵاتییان وەردەگیرێت و ئاماژەی بۆ ئەوە کردووە بڕی وەرگیراو هەر 500 دینارە و هیچ گۆڕانکارییەک ڕووینەداوە.