قەتەر لە بەرامبەر هێرشەکانی ئیسرائیل ڕێوشوێنی یاسایی دەگرێتەبەر

ئاڤا نیوز

قەتەر لە وەڵامی هێرشەکانی ئیسرائیل بۆ سەر دەوحەی پایتەختی ئەو وڵاتە لە دادگای نێودەوڵەتی سکاڵا لەسەر ئیسرائیل تۆماردەکات.

وێنە گەورەکە: قەتەر نێوەندگیرێکی سەرەکی بوو لە نێوان ئیسرائیل و حەماس بۆ کۆتاییهێنان بە جەنگ، بەڵام بەهۆی هێرشەکانەوە گرژی کەوتە نێوان قەتەر و ئیسرائیل.

بڵاوکراوەی فەرمی: محەمەد بن عەبدولعەزیز خولەیفی، وەزیری دەرەوەی قەتەر، لە پۆستێکیدا لە تۆڕی ئێکس ڕایگەیاند، قەتەر بۆ وەڵامدانەوەی هێرشەکانی ئیسرائیل دژی دەوڵەتی قەتەر ڕێگای یاسایی لە دادگای تاوانی نێودەوڵەتی دەگرێتەبەر و هەوڵ دەدەین کە تاوانباران لێپرسینەوەیان لەگەڵدا بکرێت و لە سزا دەرباز نەبن.

باکگراوند: ڕۆژی سێشەممە 2025-09-09، ئیسرائیل هێرشی کردە سەر بارەگای شاندی دانوستانکاری بزووتنەوەی حەماس لە دەوحەی پایتەختی قەتەر، بە ئامانجی کوشتنی سەرکردەکانی بزووتنەوەی حەماس، ئەمەش کاردانەوەی نێودەوڵەتی و قەتەری لێ کەوتەوە.