لەبارەی دەنگۆی تووشبوونی زەکەریا عەبدوڵڵا بە شێرپەنجە ڕوونکردنەوە دەدرێت

ئاڤا نیوز

 

دەنگۆی تووشبوونی هونەرمەند زەکەریا عەبدوڵڵا بە نەخۆشیی شێرپەنجە ڕەت دەکرێتەوە. کەسێکی نزیکی هونەرمەندەکە دەڵێت، "لەخوا بەزیاد بێت تەندروستیی زەکەریا زۆرباشە و هەواڵی نەخۆشکەوتنی دوورە لە ڕاستییەوە."

 

چیرۆکی سەرەکی: ئەمڕۆ پێنجشەممە لە چەند ماڵپەڕ و ئەکاونتێکی سۆشیاڵ میدیا، دەنگۆی تووشبوونی هونەرمەندی دیاری کورد زەکەریا عەبدوڵڵا بە نەخۆشیی شێرپەنجە بڵاو کرایەوە.

 

لێدوانی فەرمی: کەسێکی نزیکی زەکەریا عەبدوڵڵا بە ئاڤا میدیای گوت: لەخوا بەزیاد بێت تەندروستیی زەکەریا زۆرباشە و هەواڵی توشبوونی بە نەخۆشیی شێرپەنجە ڕاست نییە".

 

زانیاریی زیاتر: بەگوتەی ئەو کەسەی قسەی بۆ ئاڤا کرد، خەسووی زەکەریا نەخۆش کەوتووە، پێدەچێت ئەم زانیارییە بەهەڵە بڵاو کرابێتەوە.

 

باکگراوند؛ زەکەریا عەبدوڵڵا هونەرمەندێکی دیاری کوردە، دەنگێکی تایبەتی هەیە و هاوادارێکی زۆری هەیە، یەکەم ئەلبوومی لە ساڵی 1998 بە ناوی (تۆ هاتی) بڵاو کردەوە، حەوت ئەلبوومی گۆرانی هەیە، دوایین ئەلبوومی بە ناوی لاپەڕەی سپی لە ساڵی 2010 بڵاو کردەوە و لەوکاتەوە وازی لە گۆرانی وتن هێناوە.