سەرۆک بارزانی جەخت لە تێپەڕاندنی گرفتە سیاسییەکانی عێراق دەکاتەوە

ئاڤا نیوز

سەرۆک بارزانی لە سەڵاحەددین پێشوازی کردووە لە شاندێکی (هاوپەیمانییەتی حەسم و هاوپەیمانی نەینەوا بۆ خەڵکەکەی).

ڕاگەیێنراوی فەرمی: ئەمڕۆ پێنجشەممە 18-9-2025، لە سەڵاحەددین سەرۆک مەسعود بارزانی پێشوازی لە شاندێکی هاوپەیمانێتیی حەسم و هاوپەیمانێتیی نەینەوا بۆ خەڵکەکەی بە سەرۆکایەتیی سابت عەباسی، وەزیری بەرگریی عێراق کرد. لە کۆبوونەوەکە جەخت لەسەر هەماهەنگیی لایەنەکان بۆ تێپەڕاندنی کێشە و گرفتە سیاسییەکان لە عێراق کراوەتەوە.

بەپێی ڕاگەیێنراوەکە، لە دیدارەکەدا بارودۆخی سیاسیی عێراق تاوتوێ کرا و بیروڕا لەبارەی هەڵبژاردنەکانی داهاتووی ئەنجوومەنی نوێنەرانی عێراق ئاڵوگۆڕ کرا، هەروەها جەخت لەبارەی هەماهەنگیی لایەنەکان بۆ تێپەڕاندنی کێشە و گرفتە سیاسییەکان لە عێراق کراوەتەوە.