فڕۆکەکانی ڕووسیا ئاسمانی ئیستوانیا دەبەزێنن

ئاڤا نیوز

دوای پۆڵەندا و لیتوانیا، ئەمجارە فڕۆکەکانی ڕووسیا ئاسمانی وڵاتێکی دیکەی یەکێتی ئەوروپایان بەزاند و ناتۆش نیگەرانە لە هەنگاوەکانی ڕووسیا.

وێنە گەورەکە: ماوەی چەند مانگێکە ڕووسیا بەردەوامە لە بەزاندنی سنوورە ئاسمانییەکانی وڵاتانی ئەوروپا، ئەمەش نیگەرانی لەلایەن وڵاتانی ڕۆژئاواوە لێکەوتەوە.

زانیاریی زیاتر: دوو سەرچاوەی ئەوروپا و ناتۆ بە ئاژانسی ڕۆیتەرزییان ڕاگەیاند، فڕۆکە جەنگییەکانی ڕووسیا ئاسمانی ئیستوانیان بەزاندووە.

لێدوانی فەرمی: مارگوس تساهکنا، وەزیری دەرەوەی ئیستۆنیا ڕایگەیاند، ڕووسیا لە ئەمساڵدا چوار جار ئاسمانی ئیستۆنیای بەزاندووە، ئەمەش قبوڵکراو نییە. ئەمڕۆش سێ فڕۆکەی جەنگی لە جۆری میگ 31  ئاسمانیمان بەزاندووە.