مەسرور بارزانی: لە ئایندەیەکی نزیکدا قەیرانەکان کۆتاییان دێت

ئاڤا نیوز


"لە ئایندەیەکی نزیکدا ئەو قەیرانانە کۆتاییان دێت، سەرجەم مووچەخۆران مافی خۆیان وەردەگرن". 

چیرۆکی سەرەکی: ئەمڕۆ یەکشەممە مەسرور بارزانی، زەنگی ساڵی نوێی خوێندنی 2025-2026ـی لە قوتابخانەی دمدمی تێکەڵاو لە زاخۆ لێدا، هاوکات لە 7500 ناوەند ساڵی نوێی خوێندن دەستیپێکرد.

لێدوانی فەرمی: سەرۆکوەزیران مەسرور بارزانی لە دەستپێکی ساڵی نوێی خوێندن لە زاخۆوە ڕایگەیاند: سوپاسی مامۆستایانی بەڕێز دەکەم، سەرەڕای ئاستەنگەکان نەیانهێشتووە پڕۆسەی پەروەردە پەکی بکەوێت.

لە بەشێکی دیکەی قسەکانیدا سەرۆکوەزیران ڕایگەیاند: لە ئایندەیەکی نزیکدا ئەو قەیرانانە کۆتاییان دێت، سەرجەم مووچەخۆران مافی خۆیان وەردەگرن. 

بەشێکی دیکە لە قسەکانی سەرۆکوەزیران مەسرور بارزانی:- 

 خزمەتی زیاتر بە هاونیشتمانیانی ئیدارەی سەربەخۆی زاخۆ دەکەین.

گۆڕانکاری گەورە لە پرۆسەی خوێندن لە هەرێمی کوردستان کراوە.

سیستمی ئی پەروەردە یەکێکە لە پرۆژە هەرە گرنگەکانی کەرتی پەروەردە.
 
زیاتر لە 200 قوتابخانە دروستکراون و دووهەزار قوتابخانە نۆژەنکراونەتەوە.

داوا لەمامۆستایان دەکەین، بابەتی ژینگە و نیشتمان پەروەریی بکەنە بەشێک لە ئەولەوییەت لە ناوەندەکانی خوێندن.

نوێدەکرێتەوە..