یەکێتیی ئەوروپا: تاکە چارە بۆ فەلەستین دوو دەوڵەتی جیایە

ئاڤا نیوز

ئەوروپا لە پێشهاتەکانی غەززە نیگەرانە، تاوتوێی سزادانی ئیسرائیل دەکات و پشتیوانی دروستبوونی دەوڵەتی فەلەستینە. 

لێدوانی فەرمی: ئۆرسولا ڤۆن دێر لاین، سەرۆکی کۆمیسیۆنی ئەوروپا، ڕایگەیاند تاکە ڕێگە چارەسەری پرسی فەلەستین و ئاشتییەکی درێژخایەن و بەردەوام بوونی دوو دەوڵەتە بۆ فەلەستینییەکان و ئیسرائیلییەکان. ئەو گوتیشی ئیسرائیل هەوڵی لاوازکردنی ئەم بژاردەیە دەدات، هەر بۆیە بەرگری لە سزا پێشنیار کراوەکانی یەکێتی ئەوروپا کرد دژی ئیسرائیل دەکات.

ئەمەش بزانە: ژمارەیەک وڵاتی ئەوروپا دانیان بە سەربەخۆیی فەلەستیندا ناوە و وەک دەوڵەتێکی سەربەخۆ ناساندوویانە. هاوکات ژمارەیەکی دیکەش بڕیارە هەمان هەنگاو بنێن.