توێژینەوەیەکی ئەمریکی لەبارەی ئۆتیزم زانیاری نوێ ئاشکرا دەکات

ئاڤا نیوز

ئیدارەی ترەمپ ئەمڕۆ دووشەممە ڕاگەیاندنێکی سەبارەت بە ئەنجامی توێژینەوەکان لەبارەی نەخۆشی ئۆتیزم بڵاوکردەوە، سەرچاوەکان ئاشکرایان کردووە لە ڕاگەیێنراوەکەدا "بەکارهێنانی دەرمانی تایلینۆڵ وەک هۆکارێک بۆ ئۆتیزم دەستنیشان دەکرێت".

زانیاریی بەدەستهاتوو: بڕیارە ئەمڕۆ دووشەممە دۆناڵد ترەمپ، سەرۆکی ئەمریکا و بەرپرسانی باڵای تەندروستی ڕایبگەیێنن، ''ڕەنگە ئۆتیزم پەیوەست بێت بە بەکارهێنانی دەرمانی تایلینۆڵ کە لەکاتی دووگیانیدا لەلایەن خانمانەوە بەکاردەهێندرێت، ئەمەش لەلایەن چوار کەسی ئاگادار لە پلانەکە بە ڕۆژنامەی واشنتن پۆستـیان ڕاگەیاندووە.''

ئەوەی لەبارەیەوە دەگوترێت: بەرپرسان پێداچوونەوەیان بە توێژینەوەیەکدا کردووە کە ماوەیەک لەمەوبەر ئەنجامدراوە، تێیدا دەریخستبووە کە پەیوەندییەکی ئەگەری لە نێوان بەکارهێنانی تایلینۆڵ لە سەرەتای دووگیانی و زیادبوونی مەترسی ئۆتیزم لە منداڵاندا هەیە، بۆیە ئێستا بەرپرسانی ئەمریکا دەیانەوێت خانمانی دووگیان ئاگادار بکەنەوە  لە بەکارهێنانی ئەم دەرمانە و سنووردارکردنی.

ئەمەش بزانە: تایلینۆل، ئازارشکێنێکە کە بە شێوەیەکی باو لەلایەن خانمانی دووگیانەوە بەکاردەهێنرێت لە ڕاپۆرتەکاندا وەک هۆکارێک بۆ تووشبوون بە ئۆتیزم دیاریکراوە.