مەكتەبی سیاسی یەكێتی لەبارەی هەڵبژاردن كۆبووەوە

 ئاڤا نیوز

مەکتەبی سیاسیی  یەكێتی نیشتیمانی كوردستان كۆبووەوە و ڕایگەیاند " لەگەڵ ئەنجامدانی هەڵبژاردنی پەرلەمانی کوردستاندایە لەوادەی دیاریکراوی خۆیدا".

ڕاگەیێنراوی فەرمی: بەسەرپەرشتی بافڵ تاڵەبانی سەرۆکی یەکێتیی کۆبوووە و تەئکیدی لەسەر هەڵوێستی نەگۆڕ و مەبدەئی یەکێتیی کردەوە کە لەگەڵ ئەنجامدانی هەڵبژاردنی پەرلەمانی کوردستاندایە لەوادەی دیاریکراوی خۆی لە ( 10-6- 2024).

زانیاریی زیاتر: "کۆبوونەوە دووپاتیشی کردەوە نوێکردنەوەی دامەزراوە دەستورییەکانی وەک پەرلەمان و حکومەتی هەرێم هەر لە رێی دەنگدانی گشتییەوە دەبێت و رەوایی نوێنەرایەتی گەلەکەشمان بۆ  داکۆکی ماف و ژیان و گوزەرانی هاوڵاتیانیش هەر بەو شێوەیە دابین دەبێت".

ئەوەی پێویستە بیزانیت: دوو پێشنیاز بۆ دواخستنی هەڵبژاردنەکانی پەرلەمانی کوردستان هەن، کە یەکێکیان ئەوەیە بۆ چوار مانگ دوا بخرێت و لە مانگی ئۆکتۆبەر بکرێت، دووەمیشیان ساڵی داهاتوو لەگەڵ هەڵبژاردنەکانی ئەنجوومەنی نوێنەرانی عێراق بکرێت.

وێنە گەورەكە: 18ی ئاداری ئەمساڵ مەكتەبی سیاسی پارتی دیموكراتی كوردستان كۆبووەوە و ناڕەزایی لە شێوازی هەڵبژاردنی پەرلەمانی كوردستان دەربڕی.