دادگای فیدراڵی سکاڵایەکی 14 پەرلەمانتار دژی باڵیۆزە نوێیەکانی عێراق تاوتوێ دەکات

ئاڤا نیوز

بڕیارە کۆتایی ئەم مانگە، دادگای باڵای فیدراڵیی عێراق سکاڵای 13 پەرلەمانتار دژی بڕیاری پەسەندکردنی دامەزراندنی 93 باڵیۆزە نوێیەکە تاوتوێ بکات.

 

چیرۆکی سەرەکی: لە 26 مانگی ئابی ئەمساڵ، پەرلەمانی عێراق لیستی 93 کاندیدی بۆ پۆستی باڵیۆزی نوێی عێراق لە وڵاتانی جیهان پەسەند کرد، لەو ژمارەیە 18 باڵیۆزیان کوردن، چەند پەرلەمانتارێک ناڕەزایەتییان لەبەرامبەر پرۆسەکە دەربڕی، گوایە دانیشتنەکە ڕێژەی ئامادەبوونی یاسایی پەرلەمانتاران تەواو نەکردووە، بۆ ئەم مەبەستەش ئەو پەرلەمانتارانە پەنایان بردە دادگای فیدراڵی و سکاڵایان دژی سەرۆکی پەرلەمان تۆمار کرد.

 

ڕاگەیێنراوی فەرمی: دادگای باڵای فیدراڵی بڕیاری دا، ڕۆژی 30ی ئەم مانگە سکاڵاکە تاوتوێ بکات.

 

زانیاریی زیاتر: ئەو پەرلەمانتارانە داوا لە دادگاکە دەکەن، بڕیاری پەرلەمان لە دامەزراندنی ئەو باڵیۆزانە بە نادروست و نادەستووری دابنێت و هەروەها دەرکردنی فەرمان سالارێک بۆ ڕاگرتنی جێبەجێکردنی ئەو بڕیارە تاوەکو دادگا سکاڵاکە تاوتوێ دەکات.